خلطة جديدة للفراخ المشوية في الفرن

النهارده بقدم لكم طريقه من ضمن طرق ليه فى شوى الفراخ فى الفرن طبعا الطرق كتير والتتبيلات كتير ولكل تتبيله طعم معين
بس حقيقى الطعم اللى هقدمه النهارده هايعجبكم قوى قوى واللى هيجربها اكيد اكيد هيدعيلى يلا ندخل بقى المطبخ

المقادر




زى ماانتو شايفين فراخه مربربه ومغسوله كويس ومفتوحه بالشكل ده ودقتها شويه بحيث الصدر بتاعها يتبطط كده على خفيف
وبهارات ودى اهم ماف الموضوع ايه بهارتنا النهارده





كارى -1
بردقوش -1
ارجانو ( ورق الزعتر)- 2
بابريكيا حلوه- 3
روز مارى غير مطحونه-2
فلفل اسود- 1
بهار مشكل- 1
كزبره -1
كمون -1
ملح-3
3 فصوص ثوم
قطعه جنزبيل طازه
لمونه
ربع كوب زيت زتوت

وانا كاتبه اهو جنب كل بهار كام معلقه بعيار معلقه الشاى الممتلئه


دلوقت بقى نضيف البهارات كلها على الفرخه المربربه دى كده





بعدين اهو نبشر الجنزبيل والثوم ونضيفهم




بعدين نضيف الزيت الزتون




بعدين ندعك الفرخه بقى كويس وندخل البهارت بين الجوانب وثنايا الجلد كويس قوى





بعدين نضيف كوب مايه ليها براحه من على الجنب عشان الفرخه لو مضفناش المايه هتنشف قوى قوى



بعدين ندخلها فرن حامى وياجماعه الاكل زى الحلويات بالظبط لازم الفرن يكون حامى مش ندخل الحاجه ونبدا نشغل الفرن كده الحاجه تطلع ناشفه ومقدده لكن احنا اى حاجه بنبقى عايزنها مقرمشه من بره وطريه من جوه لازم الفرن يكون حامى وانا حطتها حوالى ساعه ومحتجتش اشغل شوايه لان الفرن عندى حررته عاليه لكن اللى فرنها مش عالى تخلى الفرخه تستوى خالص بعدين تشغل الشوايه من فوق تحمرها

وادى بقى الفرخه الرااااااااااائعه




طبعا لازم طبق طحينه ومتنسوش ياجماعه البقدونس تحت اى مشويات ده بيدى طعم مميز لاى مشويات