عاملة ريجيم ::: أفكار لأكل الريجيم ::: فكرة (1) : اللحمة المفرومة بالبسلة و الجزر

كتير من البنات بتزهق من روتين الريجيم

صدر فرخة مشوي

ستيك لحمة مشوي

و تفضل ع الموال دا

لغاية ما تسيب الريجيم

عايزين نجمع أفكار حلوة للريجيم



فكرة (1)

النهاردة في يوم الريجيم بتاعي

كان المفروض لحمة مشوية

فكرت في فكرة جديدة و بسيطة لكن المهم تكسر روتين الريجيم الممل !

قطعت بصلة ترنشات مش بصل صغير

و شوحتها شوية على النار ( بدون زيت طبعا )

طبعا عشان بتشتغلي من غير زيت فمش لازم البصلة لونها يتغير المهم تدبل شوية عشان ما يتحرقش و يلزق في الحلة

و بعدين حطيت لحمة مفرومة و قلبت شوية

و حطيت مية و قعدت أقلب لغاية ما اللحمة بدأت تستوي شوية

و تحطي ملح و فلفل اسود زي ما تحبي

" اللي عندهم مشاكل في القولون يحطوا حبة كمون صغيرين "

و بعدين جبت كيس البسلة و الجزر الفروزن

" اتأكدي ان مكتوب ورا في الكيس ان نسبة ال fat = 0 %"

و بعدين سبته شوية ع النار

و دي النتيجة

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.



هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.